如果懶做運動既人，響緊急關頭既時候，都會去做運動。例如：就快要影結婚相，醫生話你過重，要去選美，要選健美先生，要修身溝女，係咪？呢種懶人臨急抱佛腳，心知肚名，做運動系佢地既手段，並唔係佢地真正想做運動，而是
想透過做運動呢種手段，達成佢地種種目的。
如果你天生喜歡做運動，恭喜你，做運動系百利無一害。你做 SEO Search Engine Optimization 有無唸過，其實可能都係一樣。如果你個網站一開始就注重健康，經常做足SEO，你個網站既路就會容易行好多。SEO包含好多元素：網站速度，係咪mobile responsive，內容是否相關，Meta-tag 有無，準唔準確，landing page 既header 做成點，甚至乎D圖既 file 名都有影響，真係頭都大。加上Google 充滿正義感但係千變萬化既 search algorithm，你想響短時間內做SEO 而達到你想要既效果（不外乎都係organic ranking 自然排名），似乎系不設實際的。就等於你想一個禮拜減30磅咁天荒夜譚。
SEO 系一種習慣，持之以恒必定有益健康。如果你個行業系好competitive，就算你做唔到 organic 好ranking，都會有助你提升 quality score，幫助你減低 bidding 成本。呢條數小數怕長計，可大可小。正如我響另一個blog提過，如果你個quality score 夠高的話，即使你bid 得俾你對手低，你排名都會高過佢，你話幾過癮。
不過提一句，就係算你死命羅到排名第一，客戶都唔會只系睇排名第一既資料，佢地自然會參考埋第二名和第三名對手既資料。要贏，最終都係要睇你既服務或產品的競爭力。記住，做到生意先至系你既最終目的。
由今日開始就養成做SEO的好習慣，裡外夾攻。一般來講，你會見到你既online marketing 既conversion cost 會越來越低，好似做運動咁，跟住正確的方法做，三至六個月一定會有效果，而且效果非常健康。 Happy Marketing ！