做生意，其實都係想賺到錢，然後減去營運成本，將D錢袋落袋，都無系太高深既道理，咁點解咁多人生意失敗呢？我覺得系欠缺對“營運成本”既反思。

唔知點解，好多人話要做生意都係要開舖頭，做呢樣做果樣，又煩租地方又煩請人，又煩入咩貨，全部都係煩點樣去使錢。好多人都唔會先琳下，生意點樣黎。

深入反思下你做生意既開銷，例如：請人做野，租舖頭，租office，俾燈油火臘，十幾萬開銷一個月都未計貨錢運輸，商業登記及會計核數成本等等，邊一樣野會帶俾你有生意做呢？

好多人以為租個靚舖位，有人流就自然就會好似銅鑼灣 Sogo 裡面既 Gucci 咁長期有人排隊送錢俾你。Sorry啊，今時今日唔同咗喇。Sogo 系神話，亦經歷過天時地利人和既眷顧先至有今日。

現今網絡時代，做生意的地域性已經唔再系一盤生意成敗主要因素。除非你做食店，髮型屋，時裝店，便利店 等地理位置比較重要之外，好多行業都可以唔使租貴鋪都做到生意。所以你睇下連 HSBC同渣打響Nathan Road 窩打老道 交界既舖位s都關門大吉，所以話呢，人地國際集團大把錢，計唔掂數就係計唔掂。佢地既生意回報須要同股民交代，無成效既開支一定要 Cut。

對於做小生意既你，真金白銀，粒粒皆辛苦，有無反思你的成本效益呢？

未開始做生意既朋友，你係咪應該琳下生意點黎呢？我覺得考慮到呢點既朋友系比較幸運的。宜家系網絡時代，網上推廣好多種類已經可以清晰計算成效，ROI 回報等，令你可以用不設最低消費既方式做推廣，例如按點擊收費等，不點擊，不收費。老實講，呢個世界唔會有咁多無聊人去無啦啦click你D廣告link。點擊得既，都係透過搜索佢地想要既野，搜索關鍵詞，點擊進入你的廣告或網站，系有誠意既客人，轉化成數高既客人。

所以，你應該要花多D心思同利用策略，找出正在尋找你的服務／產品既潛在客戶，投資在找生意的範疇上，而不要為支出而支出。